Plantun de Prouvènço

Pèr coumpara dos planto d'encò nostre

Leersia oryzoides & Laburnum alpinum

Leersia oryzoides

Poaceae Graminaceae

Noms en français : Faux Riz, Léersie faux riz.

Descripcioun :
Lou faus-ris es uno planto renadivo que fai de 50 cm à 1 mètre d'aut. L'inflourejado es uno paniculo forço flaco. I'a ges de glumo is espigueto proun esquichado, la lemma e la palea embarron lou fru dins uno meno de bouito. Se recounèis peréu à si nous tout pelu (fotò) e à si cambo proun rufo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 1(2) m
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Leersia
Famiho : Poaceae
Famiho classico : Graminaceae

Coulour de la flour : Verdo
Petalo : ges
Ø (o loungour) enflourejado : 3 à 6 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Palun - Roubino
Estànci : Mesoumediterran
Couroulougi : Cousmoupoulito
Ref. sc. : Leersia oryzoides (L.) Sw., 1788

Ambour

Laburnum alpinum

Fabaceae Leguminosae

Àutri noum : Aubour, Ambourn, Bour, Embourn, Amboul.

Noms en français : Cytise des Alpes, Aubour des Alpes.

Descripcioun :
L'ambourn es un poulit pichot aubre que trachis en mountagno. Se recounèis eisa en flour o en fru. La fueio èi di tres partido.

Usanço :
"L'ambourn fa un bouosc soulide pèr fa de piquets pèr la vigno, de chambises pèr li vachos" (J.-L. Domenge in LMT, op.cit. p. 54). Èro peréu recerca pèr n'en faire de càmbis. G. Jean : "Lou fau coupa dóu coustat dóu soulèu, ne'n prenon que la mita [...] Après lou fan caufa à la tubèio e lou tordon" (O. Madon, op.cit. p. 81). En auto Prouvènço, lou bos èi bouli, bouta trempa dins l'aigo o lou femié pèr l'amarina. Lou bour èro tambèn emplega pèr faire fugi li darboun qu'es uno planto forço empouisounanto e memo mourtalo pèr l'ome (citisino proche de l'estrichino).

Port : Aubre
Taio : 3 à 5 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Laburnum
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 13 à 15 mm
Flourido : Printèms - Estiéu

Sòu : Ca
Autour basso e auto : 400 à 1800 m
Aparado : Noun
Remarco :
Mai à juliet

Liò : Faio - Sapiniero - Esboudèu - Gaudre fres
Estànci : Subremediterran à Mountagnard
Couroulougi : Ouroufito-Sud-Éuropenco
Ref. sc. : Laburnum alpinum (Mill.) Bercht. & J.Presl, 1835

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Leersia oryzoides & Laburnum alpinum

ges

Coumpara Faus-ris emé uno autro planto

Coumpara Ambour emé uno autro planto